- Auglýsing -
Leikmenn Neistans í Færeyjum, sem Arnar Gunnarsson þjálfar, unnu í gær sannfærandi og um leið kærkominn sigur á VÍF í færeysku úrvalsdeildinni í handknattleik karla, 30:26. Leikið var í Vestmannahöllinni, heimavelli VÍF en liðið er ríkjandi Færeyjameistari.
Frábær fyrri hálfleikur hjá Neistamönnum lagði grunn að sigrinum. Þeir voru átta mörkum yfir að honum loknum, 20:12.
Ágúst Ingi Óskarsson og Felix Már Kjartanson, fyrrverandi leikmenn HK, komu mikið við sögu í leiknum. Báðir gengu þeir til liðs við Neistan í sumar. Ágúst Ingi skoraði sex mörk og Felix Már skoraði einu sinni.
Þetta var annar sigur Neistamanna í deildinni í fimm leikjum.
- Auglýsing -
