- Auglýsing -

Staðfest leikjadagskrá Vals í Evrópu – byrja heima gegn Ferencváros

Valsmenn hafa í mörg horn að líta í Evrópudeildinni. Mynd/HSÍ

Fyrsti leikur Valsmanna í riðlakeppni Evrópudeildarinnar í handknattleik karla verður gegn ungverska liðinu Ferencváros í Origohöllinni þriðjudaginn 25. október. Handknattleikssamband Evrópu, EFH, gaf út í morgun staðfesta leikjadagskrá allra leikja riðlakeppninnar sem hefst 25. október og lýkur 28. febrúar á þessu ári.


Valur leikur sex leiki í Evrópudeildinni á þessu ári, þrjá á heimavelli og þrjá á útivelli. Auk heimaleiksins mætir Valur þýska stórliðinu Flensburg-Handewitt þriðjudaginn 22. nóvember í Orgohöllinni og sænska meistaraliðinu Ystads IF HF 13. desember.


Tímasetningar hafa ekki verið staðfestar ennþá en leikir riðlakeppninni hefjast annað hvort kl. 18.45 eða 20.45 að miðevrópskum tíma. Fram að miðnætti laugardagsins 28. október munar tveimur stundum á tímanum á Íslandi og hinum miðevrópskum tíma. Frá og með 29. október verður klukkustundar munur.

Leikjadagskrá Vals í riðlakeppni Evrópudeildarinnar:
25. október: Valur - FTC (Ferencváros).
1. nóvember: Benidorm - Valur.
22. nóvember: Valur - Flensburg-Handewitt.
29. nóvember: PAUC - Valur.
6. desember: FTC (Ferencváros) - Valur.
13. desember: Valur - Ystads IF HF.
7. febrúar: Flensburg-Handewitt - Valur.
14. febrúar: Valur - Benidorm.
21. febrúar: Valur - PAUC.
28. febrúar: Ystatds IF HF - Valur.
Tímasetningum verður bætt við um leið og þær verða staðfestar.

Leikdagskrá riðlakeppni Evrópudeildar karla.

- Auglýsing -
- Auglýsing -

Nýjustu fréttir

- Auglýsing -