Handknattleikskonan Steinunn Hansdóttir endurnýjar ekki samning sinn við danska úrvalsdeildarliðið Skanderborg Håndbold. Greint er frá þessu á heimasíðu félagsins en ekki kemur fram hvað Steinunn hefur í hyggju. Hún kom aftur til Skanderborg fyrir tveimur árum eftir að hafa reynt fyrir sér annarstaðar.
Steinunn, sem er 28 ára gömul, er vinstri hornamaður og á að baki 36 A-landsleiki sem hún hefur skorað í 50 mörk. Steinunn lék síðast með íslenska landsliðinu í forkeppni heimsmeistaramótsins í byrjun desember 2018.
Auk Skanderborg Håndbold hefur Steinunn leikið Vendsyssel og Skanderborg hefur Steinunn m.a. leikið með Horsens, SønderjyskE og Gudme í Danmörku og var einnig í herbúðum Selfoss síðari hluta keppnistímabilsins 2015/2016. Hún hefur leikið í Danmörku nær allan sinn feril.
Anna Karen, systir Steinunnar, hefur leikið með Stjörnunni undanfarin þrjú ár. Hún framlengdi nýverið samning sinn við félagið.
