- Auglýsing -
Ekkert verður af því að þýska 1. deildarliðið ASV Hamm-Westafalen bjóði Hafnfirðingnum Guðmundi Braga Ástþórssyni samning að þessu sinni.
Guðmundur Bragi var hjá Hamm-Westafalen í síðustu viku við æfingar auk þess sem hann tók þátt í tveimur leikjum á fimmtudagin og á föstudaginn á æfingamóti (Linden Cup) sem liðið tók þátt í.
Michael Lerscht, þjálfari ASV Hamm segir á handball-world að ákvörðun hafi verið tekin að bjóða Guðmundi Braga ekki samning eftir heimsóknina. Áfram verði fylgst með framvindu ferils hans sem Lerscht segist hafa þekkt til vegna þátttöku Guðmundar Braga með íslenska landsliðinu á EM í Portúgal í sumar.
Lerscht hefur verið að skyggnast um eftir leikmanni í stað annars sem meiddist og verður lengi frá keppni.
ASV Hamm kom upp í 1. deild í vor eftir að hafa hafnað í öðru sæti 2. deildar á eftir lærisveinum Guðjóns Vals Sigurðssonar í Gummersbach.
- Auglýsing -
