- Auglýsing -
Handknattleiksdeild Víkings hefur samið við Stephen Nielsen um að taka að sér markvarðaþjálfun hjá félaginu. Stephen mun sinna markvarðaþjálfun hjá meistaraflokki karla og kvenna ásamt yngri flokkum.
Stephen er vel þekktur á meðal handknattleiksáhugafólks hér á landi. Hann lék um árabil sem atvinnumaður í handknattleik, meðal annars með SG Flensburg-Handewitt í Þýskalandi og PAUC í Frakklandi. Einnig í Danmörku, Svíþjóð og á Íslandi. Stephen hefur sinnt markvarðaþjálfaun hér á landi hin síðari ár eftir að hann hætti sjálfur að leika handknattleik.
Árið 2015 fékk Stephen íslenskan ríkisborgararétt og lék í kjölfarið með íslenska landsliðinu.
„Það er mikill hvalreki fyrir handknattleiksdeildina að fá jafn reynslumikinn einstakling í Víking til að hlúa vel að markvörðunum okkar en Stephen hefur undanfarin 6 ár sinnt markvarðarþjálfun með framúrskarandi árangri,“ segir m.a. í tilkynningu frá handknattleiksdeild Víkings í dag.
- Auglýsing -
