- Auglýsing -
- Auglýsing -
- Auglýsing -

Šterbik fékk hjartaáfall

Arpad Šterbik veiktist alvarlega í gærmorgun. Mynd/EPA
- Auglýsing -

Arpad Šterbik sem árum saman var einn besti handknattleiksmarkvörður heims fékk hjartaáfall í gær og liggur inni í sjúkrahúsi. Vonir standa til þess að hann verði útskrifaður af sjúkrahúsi á næstu dögum en hann er úr lífshættu.

Šterbik, sem er 44 ára gamall, lagði keppnisskóna á hilluna sumarið 2020. Frá þeim tíma hefur hann verið markvarðaþjálfari hjá ungverska meistaraliðinu Veszprém. Šterbik var einmitt á leiðinni í flug með liðinu til Danmerkur í gærmorgun þegar hann veiktist. Veszprém mætir Aalborg Håndbold í átta liða úrslitum Meistaradeildarinnar í Álaborg í kvöld.

Šterbik er fæddist í Serbíu og lék fyrir landslið Serbíu um árabil uns hann flutti til Spánar og varð spænskur ríkisborgari 2006. Eftir það lék hann lengst af með spænskum félagsliðum, Ciudad Real og Barcelona, en lauk ferlinum með Vardar og loks hjá Veszprém 2018 til 2020.

Eftirminnilegt er þegar Šterbik hljóp í skarðið hjá spænska landsliðinu á EM 2018 eftir að markverðir spænska landsliðsins meiddust þegar liðið var komið í undanúrslit. Šterbik, sem þá ætlaði sér að vera hættur með landsliðinu, svaraði kalli landsliðsþjálfarans, kom með úr vetrarleyfi sínu, fór hamförum í undanúrslitaleiknum og ekki síður í úrslitaleiknum sem Spánverjar unnu.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -