Stjarnan er án þjálfara

Rakel Dögg Bragadóttir er hætt störfum sem þjálfari kvennaliðs Stjörnunnar í handknattleik. Handknattleiksdeild Stjörnunnar greinir frá þessu í kvöld og segir að samkomulag hafa orðið um starfslokin. Stjarnan er í fimmta sæti Olísdeildar kvenna.

Ekki kemur fram í tilkynningunni hver tekur við þjálfun Stjörnunnar af Rakel Dögg sem hefur verið þjálfari liðsins frá árinu 2020 en áður vann hún við hlið Sebastians Alexanderssonar við þjálfun Stjörnuliðsins.

Rakel Dögg er fyrrverandi leikmaður Stjörnunnar og er ein fárra íslenskra kvenna sem hefur leikið yfir 100 landsleiki.