- Auglýsing -
Axel Stefánsson fagnaði í kvöld fimmta sigri sínum með Storhamar í norsku úrvalsdeildinni í handknattleik þegar lið hans vann Follo með tíu marka mun, 35:25, á útivelli. Axel tók við sem annar þjálfari Storhamar í sumar.
Storhamar er efst í deildinni með 10 stig eftir leikina fimm eins og Sola. Evrópumeistarar Vipers Kristiansand og Molde eru einnig taplaus en eiga fjóra leiki að baki
- Birta Rún Grétarsdóttir og samherjar hennar í Oppsal töpuðu á heimavelli fyrir Sola með fimm marka mun, 34:29. Hin þekkta norska handknattleikskona, Camilla Herrem, skoraði sex af mörkum Sola. Birta Rún skoraði ekki mark í leiknum.
- Í 1. deild skoraði Sara Dögg Hjaltadóttir sex mörk og var næsta markahæst hjá Gjerpen HK Skien vann Ålgard, 32:22, á heimavelli. Með sigrinum tyllti Gjerpen HK Skien sér í efsta sætið með tvo sigra í tveimur fyrstu leikjunum. Sara Dögg gekk til liðs við Gjerpen í sumar eftir tveggja ára veru hjá Volda sem einnig leikur í næst efstu deild.
- Í úrvalsdeild karla skoraði Óskar Ólafsson tvö mörk og Viktor Petersen Norberg eitt mark þegar lið þeirra Drammen vann Bækkelaget Håndbold Elite, 31:28, á útivelli. Drammen er í sjöunda sæti af 14 liðum með fjögur stig að loknum fjórum leikjum.
- Auglýsing -
