Stórleikur Elínar Jónu nægði ekki

Stórleikur landsliðsmarkvarðarins Elínar Jónu Þorsteinsdóttur dugði ekki liði hennar, Ringkøbing Håndbold, til sigurs á Randers í fyrstu umferð dönsku úrvalsdeildinnar í handknattleik á heimavelli í kvöld.

Elín Jóna, sem gekk til liðs við nýliða Ringkøbing Håndbold í sumar frá Vendsyssel, varði 14 skot sem gerði 33,3% hlutfallsmarkvörslu, er lið hennar tapaði með fimm marka mun, 31:26.

Elín Jóna stóð í marki Ringkøbing Håndbold allan leikinn að undanskildu einu vítakasti sem hollenski markvörðuinn Marit Huiberts freistaði að verja.

Randers var með fimm marka forskot að loknum fyrri hálfleik, 16:11.

Næsti leikur hjá Elínu Jónu og samherjum hennar verður gegn NFH (Nykøbing Falster) á sunnudaginn á útivelli.