- Auglýsing -

Stórsigur í fyrsta heimaleik tímabilsins

Kristján Örn Kristjánsson, Donni. Mynd/PAUC

Kristján Örn Kristjánsson, Donni, og samherjar hans í PAUC frá Aix lék sinn fyrsta heimaleik á leiktíðinni í frönsku úrvalsdeildinni í handknattleik í dag. Þeir félagar héldu upp á langþráðan áfanga með því að vinna stórsigur á Nimes, 30:17.

PAUC var með yfirburði í leiknum frá upphafi til enda. Forskotið var sjö mörk að loknum fyrri hálfleik, 16:9.

Donni skoraði þrjú mörk í sjö skotum og er enn markahæsti leikmaður liðsins með 33 mörk. Wesley Pardin, markvörður PAUC, átti annan stórleikinn í röð. Að þessu sinni var hann með 17 skot varin, sem gerði 50% hlutfallsmarkvörslu.

PAUC er nú komið upp í fjórða sæti deildarinnar með 12 stig að loknum sjö leikjum. Liðið fór upp um tvö sæti með þessum stóra sigri. Von er á að liðið leikið fleiri heimaleiki á næstunni eftir að hafa byrjað leiktíðina með sex leikjum á útivelli.

- Auglýsing -
- Auglýsing -

Nýjustu fréttir

- Auglýsing -