- Auglýsing -

Sunna er íþróttamaður Vestmannaeyja – Andri og Elísa íþróttafólk æskunnar

Sunna Jónsdóttir, íþróttamaður Vestmannaeyja. Mynd/Aðsend

Handknattleikskonan Sunna Jónsdóttir var í gær valin íþróttamaður Vestmannaeyja 2021 í árlegu uppskeruhófi Íþróttabandalags Vestmannaeyja. Sunna fór á kostum með liði ÍBV á síðasta ári og var og er kjölfesta þess. Auk þess lék hún stórt hlutverk í íslenska landsliðinu sem stóð í ströngu á árinu.


Sunna gekk til liðs við ÍBV fyrir fjórum árum eftir að hafa leikið um nokkurra ára skeið í Noregi og í Svíþjóð. Hún skrifaði fyrir skemmstu undir nýjan þriggja ára samning við félagið.


Handknattleikfólk fékk fleiri verðlaun í hófi ÍBV í gær en viðurkenningar til íþróttafólks æskunnar komu í þess hlut.

Andri Erlingsson golfari, handknattleiks- og knattspyrnumaður var valinn fyrir yngri hópinn en fyrir þann eldri var það Elísa Elíasdóttir handknattleikskona sem hreppti hnossið. Elísa hefur slegið í gegn á yfirstandandi keppnistímabili og unnið sér sæti í A-landsliðinu.

Nánar má lesa um hverjir hlutu viðurkenningar í hófinu í gær á vef Eyjafrétta.

- Auglýsing -
- Auglýsing -

Nýjustu fréttir

- Auglýsing -