- Auglýsing -
- Auglýsing -
- Auglýsing -

Svavar og Sigurður verða á faraldsfæti á næstunni

Svavar Ólafur Pétursson og Sigurður Hjörtur Þrastarson, dómarar. Mynd/Egill Bjarni Friðjónsson
- Auglýsing -

Handknattleiksdómararnir Svavar Ólafur Pétursson og Sigurður Hjörtur Þrastarson hafa verið valdir til þess að dæma tvær viðureignir í Evrópukeppni félagsliða á næstunni.

Þeir verða í Hamri í Noregi á næstu sunnudag og halda uppi röð og reglu í viðureign Storhamar og Nykøbing Falster Håndbold frá Danmörku í 5. og næst síðustu umferð riðlakeppni Evrópudeildarinnar í handknattleik kvenna.

Í Hamri hitta þeir fyrir Axel Stefánsson sem er annar þjálfara norska liðsins sem er í efsta sæti A-riðils með sex stig að loknum fjórum leikjum.

Tæpri viku eftir leikinn í Hamri verða þeim komnir til Bregenz í Austurríki þar sem þeir eiga að dæma síðari viðureign austurrísku liðanna Bregenz Handball og Förthof UHK Krems í 16-liða úrslitum Evrópubikarkeppni karla.

Svavar og Sigurður hafa þegar dæmt fimm leiki á alþjóðlegum vettvangi til þessa í vetur, jafnt í Evrópukeppni félagsliða sem og landsleiki.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -