Ungmennalið Fram vann öruggan sigur á Berserkjum, 34:19, í síðasta leik 13. umferðar Grill 66-deildar kvenna í handknattleik í Úlfarsárdal, heimavelli Fram, í dag. Ekki lék lengi vafi á hvorum megin sigurinn félli að þessu sinni. Fram var með níu marka forskot að loknum fyrri hálfleik, 18:9.
Yfirburðir voru talsverðir hjá Fram-liðinu sem var með 18 marka forskot, 30:12, þegar rúmar 10 mínútur voru til leiksloka.
Framarar eru um miðja deildina með 14 stig eftir 13 leiki. Berserkir, sem taka í fyrsta sinn í vetur þátt í Íslandsmóti kvenna, reka ennþá lestina í deildinni án stiga.
Staðan og næstu næstu leikir í Grill 66-deildum.
Mörk Fram U.: Íris Anna Gísladóttir 10, Valgerður Arnalds 7, Sara Rún Gísladóttir 5, Silja Katrín Gunnarsdóttir 4, Þóra Lind Guðmundsdóttir 2, Sylvía Dröfn Stefánsdóttir 1, Elín Ása Bjarnadóttir 1, Ingibjörg Eva Baldvinsdóttir 1, Jónína Hlín Hansdóttir 1, Natalía Jóna Jensdóttir 1, Matthildur Bjarnadóttir 1.
Varin skot: Ingunn María Brynjarsdóttir 14, Þórdís Idda Ólafsdóttir 4.
Mörk Berserkja: Jóhanna Helga Jensdóttir 6, Birta Líf Haraldsdóttir 4, Auður Margrét Pálsdóttir 2, Eva Aðalsteinsdóttir 2, Sandra Ýr Geirmundardóttir 2, Agnes Ýr Bjarkadóttir 1, Arna Sól Orradóttir 1, Thelma Lind Victorsdóttir 1.
Varin skot: María Ingunn Þorsteinsdóttir 6, Sólveig Katla Magnúsdóttir 3.
