Daníel Þór Ingason, Oddur Gretarsson og félagar í Balingen-Weilstetten máttu sætta sig við tap á heimavelli í kvöld fyrir Potsdam, 27:26, á heimavelli í þýsku 2. deildinni í handknattleik. Þetta var fyrsta tap Balingen-Weilstetten í deildinni á leiktíðinni.
Oddur skoraði fimm mörk í leiknum, þar af þrjú út vítaköstum. Daníel Þór skoraði þrjú mörk og var einu sinni vísað af leikvelli í tvær mínútur.
Tumi Steinn Rúnarsson skoraði eitt mark fyrir Coburg í jafntefli á útivelli við Dessau-Roßlauer, 26:26. Leikmenn Dessau-Roßlauer kræktu í annað stigið með jöfnunarmarki 15 sekúndum fyrir leikslok
Áfram er á brattann að sækja hjá Íslendingum hjá Empor Rostock. Þeir töpuðu í kvöld í heimsókn til Dresden þar sem leikmenn Elbflorenz tóku á móti þeim, 31:27. Sveinn Andri Sveinsson skoraði tvisvar fyrir Empor og átti tvær stoðsendingar. Hafþór Már Vignisson skoraði eitt mark og átti eina stoðsendingu.
Örn Vésteinsson Östenberg, sem í gær skrifaði undir samning við TuS N-Lübbecke, var í hópnum hjá liðinu í kvöld en kom ekkert við sögu í eins marks tapi á heimavelli fyrir Bietigheim, 31:30.
Roland Eradze og félagar í HC Motor náðu í annað stigið í heimsókn til TV Großwallstadt, 27:27.
Staðan í þýsku 2. deildinni: