Teitur Örn Einarsson skoraði fimm mörk og Ólafur Andrés Guðmundsson eitt þegar IFK Kristianstad tyllti sér á topp sænsku úrvalsdeildarinnar í kvöld eftir sigur á IFK Ystads, 29:24. Kristianstad er eina lið deildarinnar sem ekki hefur tapað stigi fram til þessa í deildinni.
Þremur mörkum munaði á liðunum í hálfleik, 15:12, Kristianstad í hag.
Ólafur, sem er fyrirliði, hefur aðallega leikið á miðjunni í sóknarleik Kristianstad það sem af er leiktíð eftir að liðið fékk tvær vinstri skyttur til liðs við sig í sumar, Marcus Olson og Johan Nilson. Ólafur hefur þótt leysa hlutverk sitt vel. Teitur Örn hefur verið tekin mjög stíft af varnarmönnum annarra liða og skorað minna en undanfarin ár en hann er aftur á móti lang stoðsendinga hæsti leikmaður sænsku úrvalsdeildarinnar um þessar mundir.
