- Auglýsing -
- Auglýsing -
- Auglýsing -

Tekið til óspillra málanna fyrir HM – myndir frá Skopje

Ágúst Þór Jóhansson leggur línurnar fyrir æfingu í dag. Mynd/Guðríður
- Auglýsing -

„Við tókum okkar fyrstu æfingu í dag. Hún var frekar róleg en á henni lögðum við áherslu á varnarleikinn og síðan var skotæfing. Auk þess höfum við fundað og hreinlega hafið lokaundirbúning okkar fyrir HM hér við toppaðstæður,“ sagði Ágúst Þór Jóhannsson annar þjálfari U20 ára landsliðs kvenna við handbolta.is í dag.

Landsliðið kom til Skopje fyrri hluta gærdagsins og leikur þrjá æfingaleiki á næstu þremur dögum áður en heimsmeistaramótið hefst á miðvikudaginn.

Myndasyrpa: Komin heilu og höldnu í steikjandi hita í Skopje

Fyrsti æfingaleikurinn á morgun

„Við erum bara með einbeitinguna á okkur sjálfum á fyrstu dögum okkar hér ytra. Venjast aðstæðum. Fyrsti leikurinn á æfingamótinu verður á morgun gegn Chile. Við vitum lítið um það lið,“ sagði Ágúst Þór ennfremur.

Auk æfingarinnar í dag hefur verið fundað auk þess sem leikmenn hafa einbeitt sér að því að safna kröftum eftir ferðalagið og fyrir átökin sem framundan eru.

Tinna Sigurrós ekki með

Elín Klara Þorkelsdóttir, Embla Steindórsdóttir og Tinna Sigurrós Traustadóttir glíma við lítilsháttar meiðsli og verður sú síðastnefnda ekki með gegn Chile á morgun. Öll áhersla er lögð á að hún verði klár í slaginn þegar alvaran á HM hefst á miðvikudaginn. Elín Klara og Embla verða á hinn bóginn með á morgun í leiknum við Chile sem hefst klukkan 11.30 að íslenskum tíma.

„Við munum stýra álaginu á þeim og tefla ekki á tvær hættur fyrir HM,“ sagði Ágúst Þór.

Allt upp á tíu hér

„Aðstæður eru allar upp á tíu, hvað varðar mat, gistingu og æfingaaðstöðu. Það væsir ekkert um okkur hér, síður en svo. Fyrst og fremst er um góða tilbreytingu að komast út í hitann úr kuldanum heima.

Vonandi eigum við eftir að eiga góðan tíma hér saman og ná í hagstæð úrslit. Fyrst og fremst ná góðri spilamennsku og bæta okkur jafnt og þétt í gegnum leikina sem standa fyrir dyrum,“ sagði Ágúst Þór Jóhannsson sem þjálfar U20 ára landsliðið ásamt Árna Stefáni Guðjónssyni. Þeim til aðstoðar eru Jóhann Ingi Guðmundsson markvarðaþjálfari og Guðríður Guðjónsdóttir yfirfararstjóri.

Yngri landslið.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -