- Auglýsing -
Ólafur Gústafsson verður ekki með KA-liðinu í leikjum úrslitakeppni Olísdeildar karla í handknattleik sem hefst í vikunni. KA mætir Val og verður fyrsti leikur liðanna í KA-heimilinu á þriðjudaginn.
Ólafur er meiddur á hné og er á leið í speglun eftir helgina. Hann staðfesti tíðindin í samtali við handbolta.is.
Ólafur meiddist á hné fyrir tveimur og hálfum mánuði. Vonir stóðu til að þau myndu jafna sig og var hann m.a. sprautaður í hnéið. Því miður hefur það ekki dugað til þannig framundan er ekkert annað en að leita aðstoðar læknis og mæta hress til leiks þegar Íslandsmótið hefur á nýjan leik í haust.
- Auglýsing -