„Þið hafið verðið saman á kaffihúsi fjölmiðlamennirnir,“ sagði Snorri Steinn Guðjónsson landsliðsþjálfari í handknattleik karla léttur í bragði þegar hann svaraði spurningu handbolta.is í dag hvort hann hyggðist tefla fram Kristjáni Erni Kristjánssyni, Donna, eða Hauki Þrastarsyni í leiknum við Ungverja á morgun.
Ljóst var á Snorra Steini að fleiri úr hópi íslenskra fjölmiðlamanna sem er í München lék forvitni á að vita um hvort landsliðsþjálfarinn hyggðist tefla Hauki og Donna fram í leiknum við Ungverja á morgun.
Gerir breytingar á morgun
„Ég ætla að gera breytingar á liðinu á morgun. Ég hef ekki ákveðið hverjar þær verða en víst að breytingar verða,“ svaraði Snorri Steinn á ákveðinn.
„Það er hluti af þeim áherslubreytingum sem ég sé fyrir mér að geti nýst í leiknum,“ sagði Snorri Steinn Guðjónsson en hljóðritað samtal við hann er finna hér fyrir neðan.
