Þórsarar skildu ÍR eftir algjörlega eina á botni Olísdeildar karla í kvöld eftir að þeir lögðu gestina úr Breiðholti, 28:25, í Íþróttahöllinni á Akureyri í uppgjöri tveggja neðstu liða deildarinnar. Þór hefur þar með sex stig í næst neðsta sæti og er fjórum stigum á eftir Gróttu sem er í tíunda og þriðja neðsta sæti.
ÍR-ingar eru áfram stigalausir í neðsta sæti og syrtir fremur í álinn hjá þeim en hitt.
Jafnt var að loknum fyrri hálfleik, 14:14. ÍR var síðast yfir í leiknum, 19:18, þegar ríflega 20 mínútur voru til leiksloka. Eftir það voru Þórsarar ákveðnari og ekki spillti fyrir að markvörðurinn Jovan Kukobat varði afar vel, alls 19 skot.
Mörk Þórs: Gísli Jörgen Gíslason 9, Ihor Kopyshynskyi 7/6, Þórður Ágústsson 5, Garðar Már Jónsson 3, Karolis Stropus 3, Hafþór Ingi Halldórsson 1.
Varin skot: Jovan Kukobat 19, 45,2% – Arnar Þór Fylkisson 0.
Mörk ÍR: Gunnar Valdimar Johnsen 8/5, Ólafur Haukur Matthíasson 5, Viktor Sigurðsson 4, Bjarki Steinn Þórisson 3, Andri Heimir Friðriksson 2, Dagur Sverrir Kristjánsson 1, Hrannar Ingi Jóhannsson 1, Sveinn Brynjar Agnarsson 1.
Varin skot: Ólafur Rafn Gíslason 6, 40% – Óðinn Sigurðsson 6, 24%.
Tölfræði leiksins hjá HBStatz.
