Þráinn Orri Jónsson leikmaður Hauka var úrskurðaður í eins leiks keppnisbann á fundi aganefda HSÍ í vikinni. Bannið tekur gildi í dag og þess vegna verður Þráinn fjarri góðu gamni þegar Haukar taka á móti Selfyssingum í næst síðustu umferð Olísdeildar karla í handknattleik á þriðjudagskvöld. Þetta var þriðja rauða spjaldið sem Þráinn Orri fær á keppnistímabilinu. Kemur það honum í koll að þessu sinni.
Þráinn Orri hlaut útilokun með skýrslu vegna grófs leikbrots í Hauka og Vals í Olís deild karla síðustu viku. „Dómarar meta að brotið falli undir reglu 8:5 b). Með tilvísun í 10. gr. reglugerðar HSÍ um agamál er það niðurstaða aganefndar að leikmaðurinn er úrskurðaður í eins leiks bann að teknu tilliti til ítrekunaráhrifa þar sem um þriðja rauða spjald skv. reglu 8:5 b) skv. 2. mgr. 11. sömu reglugerðar,“ segir í úrskurði aganefndar.
Böðvar bítur líka í súra eplið
Böðvar Scheving Guðmundsson leikmaður Hvíta Riddarans var einnig úrskurðaður í eins leiks bann í kjölfar útilokunar með skýrslu vegna mjög ódrengilegrar hegðunar í leik Hvíta Riddarans og ÍH í 2. deild karla þann 22. mars.
Úrskurður aganefndar:
