Þrautreyndur þjálfari ráðinn til Hauka

Handknattleiksdeild Hauka hefur gert samning við Ragnar Hermannsson um að koma inn í þjálfarahóp deildarinnar. Ragnar mun sinna sérþjálfun hjá deildinni en mun meðal annars vera einn af þjálfurum á Afrekslínu félgsins ásamt því að sinna einstaklingsþjálfun fyrir iðkendur deildarinnar, eftir því sem fram kemur í tilkynningu frá Haukum í gær.

„Ragnar Hermannsson þarf vart að kynna fyrir Haukafólk enda er hann margreyndur þjálfari hér á landi í meistaraflokki. Segja má að Ragnar sé að snúa til baka en hann þjálfaði meistaraflokk kvenna félagins á árunum 2000 og 2001. Undir hans stjórn var liðið meðal annars Íslands- og deildarmeistarar,“ segir ennfremur í tilkynningu Handknattleiksdeildar Hauka.