Hulda Dís Þrastardóttir hefur framlengt við handknattleiksdeild Umf. Selfoss til þriggja ára. Hún átti sæti í Selfossliðinu sem vann Grill 66-deildina með fáheyrðum yfirburðum í vor og lék í undanúrslitum Poweradebikarsins í mars.
Hulda Dís er af mikilli handboltafjölskyldu en þrjú systkini hennar hafa leikið fyrir meistaraflokkslið Selfoss auk fjölda skyldfólks. Hún hefur leikið með Selfossi allan sinni feril, að undanskildum árunum 2020 til 2022. Þá var Hulda Dís í Val.
Hulda Dís sneri aftur austur sumarið 2022 en varð svo óheppin að slíta krossband í hné skömmu síðar og varð af nær öllu tímabilinu veturinn eftir. Hulda Dís, sem leikur mest í vinstra horni, var með af krafti á nýliðinni leiktíð. Hún tók þátt í 15 af 18 leikjum Selfoss-liðsins í Grill 66-deildinni.
