- Auglýsing -
Stúlkurnar í U18 ára landsliðinu unnu stöllur sínar frá Færeyjum í annað sinn í vináttuleik í dag, 27:24, þegar leikið var í Kórnum í Kópavogi. Íslenska liðið, sem býr sig undir þátttöku á heimsmeistaramótinu síðar í sumar, var með yfirhöndina frá upphafi til enda. Fyrri viðureignin í gær endaði með tveggja marka mun, 31:29.
Þremur mörkum munaði einnig að loknum fyrri hálfleik, 13:10.
Þjálfarar íslenska liðsins, Ágúst Þór Jóhannsson og Árni Stefán Guðjónsson, dreifðu álaginu milli leikmanna í leiknum sem varð til þess að flestar fengu stúlkurnar að spreyta sig um lengri eða skemmri tíma.
Mörk Íslands: Alfa Brá Oddsdóttir 5, Tinna Sigurrós Traustadóttir 4, Elín Klara Þorkelsdóttir 3, Embla Steindórsdóttir 3, Lilja Ágústsdóttir 3, Sonja Lind Sigsteinsdóttir 2, Hildur Lilja Jónsdóttir 2, Katrín Anna Ásmundsdóttir 2, Inga Dís Jóhannsdóttir 1, Thelma Melsteð Björgvinsdóttir 1, Rakel Oddný Guðmundsdóttir 1.
Varin skot: Ethel Gyða Bjarnasen 19.
- Auglýsing -
