- Auglýsing -
Andri Heimir Friðriksson, leikmaður ÍR og Valsarinn Viktor Andri Jónsson voru úrskurðaðir í eins leiks bann á fundi aganefndar HSÍ á þriðjudaginn. Báðir höfðu hlotið útilokun með skýrslu í kappleikjum með liðum sínum. Andri Heimir í leik ÍR og Fjölnis í Grill66-deildinni og Viktor Andri í viðureign Berserkja og Vals U.
FH-ingurinn Jóhann Birgir Ingvarsson hlaut einnig eins leiks bann fyrir útilokun með skýrslu seint í viðureign Harðar og FH á síðasta sunnudag. Þar sem úrskurður aganefndar tekur ekki gildi fyrr en á fimmtudögum var Jóhann Birgir gjaldgengur með FH í gærkvöld á móti Þór í átta liða úrslitum bikarsins. Hann tekur bannið út annað kvöld þegar FH-ingar sækja KA-menn heim í Olísdeildinni.
Jón Heiðar Sigurðsson, leikmaður KA, og Hilmar Bjarki Gíslason leikmaður ungmennaliðs KA, sluppu með skrekkinn en þeir voru einnig útilokaðir með skýrslu á leikjum á dögunum.
Jón Heiðar og Hilmar Bjarki, eins og aðrir, eru minntir á stighækkandi áhrifum útlokana vegna slíkra brota, skv. 2. mgr. 11. sömu reglugerðar.
Úrskurð aganefndar í heild má lesa hér.
- Auglýsing -
