Guðmundur Þórður Guðmundsson, landsliðsþjálfari í handknattleik karla hefur gert þrjár breytingar á landsliðinu sem mætir Portúgal í Schenkerhöllinni á Ásvöllum klukkan 16 í dag frá viðureigninni við portúgalska landsliðið ytra á miðvikudagskvöld.
Björgvin Páll Gústavsson úr Haukum, Elliði Snær Viðarsson leikmaður Gummersbach og Kristján Örn Kristjánsson, Donni, leikmaður PAUC í Frakklandi koma inn í hópinn. Í stað þeirra falla út Alexander Petersson, Kári Kristján Kristjánsson og Viktor Gísli Hallgrímsson. Magnús Óli Magnússon er einnig utan hópsins og í viðureigninni á síðasta miðvikudag.
Eftirtaldir leikmenn leika við landsliðs Portúgals í dag:
Ágúst Elí Björgvinsson, KIF Kolding 32/0
Björgvin Páll Gústavsson, Haukum 230/13
Bjarki Már Elísson, Lemgo 72/171
Oddur Gretarsson, Balingen-Weilstetten 19/31
Ólafur Andrés Guðmundsson, IFK Kristianstad 124/231
Elvar Örn Jónsson, Skjern 36/98
Gísli Þorgeir Kristjánsson, SC Magdeburg 25/32
Janus Daði Smárason, Göppingen 47/67
Kristján Örn Kristjánsson, PAUC-Aix, 7/13
Ómar Ingi Magnússon, SC Magdeburg 48/130
Viggó Kristjánsson, Stuttgart 12/25
Arnór Þór Gunnarsson, Bergischer HCC 115/335
Sigvaldi Björn Guðjónsson, Vive Kielce 29/53
Arnar Freyr Arnarsson, MT Melsungen 53/69
Elliði Snær Viðarsson, Gummersbach 6/4
Ýmir Örn Gíslason, Rhein-Neckar Löwen 43/20
Sem fyrr segir verður flautað til leiks klukkan 16 í Schenkerhöllinni á Ásvöllum. Vegna hertra sóttvarna mega áhorfendur ekki koma á leikinn en hann verður hægt að sjá í beinni útsendingu RÚV.
Íslenska landsliðið fer af landi brott í fyrramálið til þátttöku á heimsmeistaramótinu sem fram fer í Egyptlandi og hefst á miðvikudag. Fyrsti leikur íslenska landsliðsins verður klukkan 19.30 á fimmtudaginn á móti Portúgal.
