- Auglýsing -

Þúsund áhorfendur í Þórshöfn

Kórónuveiran hefur ekki gert vart við sig í Færeyjum síðan í lok janúar og mun færeyska karlalandsliðið njóta þess þegar það tekur á móti landsliði Tékklands á föstudaginn og rússneska landsliðinu á sunnudag í undankeppni Evrópumóts karla. Landsliðið fær ríkulegan stuðning frá áhorfendum á báðum leikjum.


Færeyska handknattleikssambandið greinir frá því í dag að það hafi sett í sölu 1.000 aðgöngumiða á hvorn landsleik. Selt verður inn í tvö hólf í Höllinni á Hálsi í Þórshöfn. Hvort hólf rúmar 500 áhorfendur.
Þegar Færeyingar tóku á móti Úkraínumönnum í undankeppni EM í mars mátti einnig selja áhorfendum aðgang þótt það hafi ekki verið í jafnmiklu mæli og að þessu sinni.


Reikna má með að aðgöngumiðarnir á leikina við Tékka og Rússa renni út eins og heitar lummur. Miðaverð er 150 færeyskar krónur, jafnvirði um 3.000 íslenskra.

- Auglýsing -
- Auglýsing -

Nýjustu fréttir

- Auglýsing -