- Auglýsing -
- Ýmir Örn Gíslason og samherjar í Rhein-Neckar Löwen unnu kærkominn sigur eftir misjafnt gengi í upphafsleikjum deildarinnar er þeir lögðu Göppingen, 37:32, á heimavelli eftir að hafa verið yfir sem nemur þremur mörkum að loknum fyrri hálfleik.
- Ýmir Örn skoraði ekki mark en átti eitt markskot og var auk þess vísað af leikvelli í tvær mínútur enda allt í öllu í vörninni eins og vant er.
- Janus Daði Smárason skoraði eitt mark í þremur skotum fyrir Göppingen auk þess sem hann átti fjórar stoðsendingar.
- Melsungen vann nýliða Lübbecke, 23:22, á heimavelli þar sem Arnar Freyr Arnarsson og Elvar Örn Jónsson skoruðu tvö mörk hvor fyrir Melsungen. Alexander Petersson skoraði ekki mark fyrir liðið að þessu sinni. Elvar Örn átti tvær stoðsendingar.
- Stuttgart tapaði með átta marka mun á heimavelli fyrir nýliðum HSV Hamburg, 34:26. Viggó Kristjánsson var fjarri góðu gamni í liði Stuttgart vegna fingurbrots. Andri Már Rúnarsson skoraði eitt mark fyrir Stuttgart. Jens Vortmann, markvörður HSV Hamburg, lék leikmenn Stuttgart grátt. Hann var með 43% markvörslu í leiknum og munaði svo sannarlega um minna.
- Wetzlar tók Hannover-Burgdorf í kennslustund og vann með fáheyrðum yfirburðum, 38:16. Heiðmar Felixson var á dögunum ráðinn aðstoðarþjálfari Hannover-Burgdorf.
- Fyrri í dag vann SC Magdeburg lið Leipzig, 30:28. Fjallað er um þá viðureign hér.
Staðan:
Standings provided by SofaScore LiveScore
- Auglýsing -
