Fimm leikir fóru fram í þýsku 1. deildinni í handknattleik í kvöld. Magdeburg komst á ný upp að hlið THW Kiel þegar liðið á tvo leiki eftir með sigri á GWD Minden sem þar með er nær örugglega fallið í 2. deild. Aðalsteinn Eyjólfsson tekur við þjálfun GWD Minden í sumar eftir þriggja ára veru hjá Kadetten í Sviss.
Rúnar Sigtryggsson og liðsmenn Leipzig unnu góðan sigur á HSV Hamburg, 31:28, í útivelli. Hamborgarliðið hefur veitt mörgum liðum skráveifu á leiktíðinni.
Úrslit kvöldsins
HSV Hamburg – SC DHfK Leipzig 28:31.
– Rúnar Sigtryggsson er þjálfari Leipzig. Viggó Kristjánsson lék ekki með. Hann hefur verið frá um tíma vegna meiðsla.
Rhein-Neckar Löwen – Bergischer HC 39:29.
– Ýmir Örn Gíslason skoraði ekki mark fyrir RNL.
– Arnór Þór Gunnarsson hefur engu gleymt. Hann skoraði fimm mörk í sex skotum fyrir Bergischer.
MT Melsungen – Göppingen 26:23.
– Arnar Freyr Arnarsson, leikmaður Melsungen, skoraði fjögur mörk, átti eina stoðsendingu og var einu sinni vikið af leikvelli. Elvar Ör Jónsson er fjarri góðu gamni vegna meiðsla.
GWD Minden – SC Magdeburg 30:44.
– Sveinn Jóhannsson, leikmaður GWD Minden, skoraði eitt mark og var einu sinni vikið af leikvelli í tvær mínútur.
– Gísli Þorgeir Kristjánsson og Ómar Ingi Magnússon er meiddir og léku þar af leiðandi ekki með SC Magdeburg.
Lemgo – ASV Hamm-Westfalen 30:25.
