Tinna Sigurrós Traustadóttir átti hreint framúrskarandi leik í dag og skoraði 10 mörk fyrir Selfoss er liðið vann ungmennalið Fram, 26:18, í Grill66-deild kvenna í handknattleik. Með sigrinum komst Selfoss upp að hlið ÍR en bæði lið hafa 13 stig í tveimur efstu sætum deildarinnar. Selfoss hefur lokið níu leikjum en ÍR átta. FH er í þriðja sæti með 12 stig eftir átta leiki og mikil spenna á toppi deildarinnar um þessar mundir.
Unglingalandsliðskonan, Tinna Sigurrós, fór svo sannarlega fyrir Selfossliðinu sem stórbrotinni frammistöðu sinni. Leikmenn Fram réðu ekkert við hana. Selfoss var sex mörkum yfir í hálfleik, 14:8.
Mörk Fram U.: Tinna Valgerður Gísladóttir 6, Sóldís Ragnarsdóttir 4, Margrét Castillo 3, Svala Júlía Gunnarsdóttir 2, Íris Anna Gísladóttir 1, Erna Guðlaug Gunnarsdóttir 1, Margrét Áslaug Bjarnhéðinsdóttir 1.
Mörk Selfoss: Tinna Sigurrós Traustadóttir 10, Tinna Soffía Traustadóttir 4, Elín Krista Sigurðardóttir 4, Roberta Strope 3, Elínborg Þorbjörnsdóttir 2, Kristín Una Hólmarsdóttir 2, Katla Ómarsdóttir 1.
Stöðuna og næstu leiki í Grill66-deild kvenna má sjá hér.
