Elín Jóna Þorsteinsdóttir landsliðsmarkvörður og samherjar hennar í EH Aalborg unnu Ejstrup/Hærvejen, 38:31, í næst efstu deild danska handknattleiksins í dag. EH Aalborg hefur þar með 20 stig að loknum 10 leikjum og er efst í deildinni þegar hlé hefur verið gert á keppni fram til 2. janúar vegna heimsmeistaramóts kvenna í handknattleik sem hefst undir mánaðamót í Danmörku, Noregi og Svíþjóð.
Elín Jóna verður í íslenska landsliðinu sem tekur þátt í heimsmeistaramótinu. Hún er þar með á heimleið til þess að taka þátt í undirbúningi landsliðsins sem hefst um helgina.
Því miður eru upplýsingar rýrar um leikinn í Álaborg í dag annað en að EH Alaborg var tveimur mörkum yfir að loknum fyrri hálfleik, 18:16. Reikna má með að Elín Jóna hafi staðið vaktina í marki EH Aalborg eins og fyrri daginn. Hún var valin maður leiksins eftir sigur EH Aalborg á AGF Håndbold á þriðjudaginn og handbolti.is hefur áður sagt frá.
Staðan í deildinni:
