Tólf íslensk mörk í bikarnum

Drammen komst auðveldlega áfram í undanúrslit norsku bikarkeppninnar í handknattleik í kvöld þegar liðið lagði Viking frá Stavangri, 35:21, í Drammen.

Auk Drammen eru Elverum, Arendal og Nærbo örugg um sæti í undanúrslitum sem fram fara helgi eina í desember eftir því sem næst verður komist. Annars eru frændur okkar í Noregi sparir á upplýsingar um keppnina.

Hin hálf íslenski Viktor Petersen Norberg var markahæstur í liði Drammen í kvöld með sjö mörk í sjö skotum. Óskar Ólafsson skoraði fimm sinnum og var einnig með fullkomna skotnýtingu.