- Auglýsing -
- Auglýsing -
- Auglýsing -

Toppsætið er Þórsara

Brynjar Hólm Grétarsson skoraði 27. og síðasta mark Þórs í sigurleiknum í kvöld. Mynd/Skapti Hallgrímsson, Akureyri.net
- Auglýsing -

Þór vann Fjölni, 27:26, í hörkuleik í toppslag Grill 66-deildar karla í handknattleik í Höllinni á Akureyri í kvöld. Þór er þar með í efsta sæti deildarinnar með 11 stig að loknum sjö leikjum, er stigi fyrir ofan ungmennalið Fram. Fjölnir hefur níu stig í þriðja sæti en það gæti breyst síðar í kvöld þegar ÍR hefur lokið leik við ungmennalið Vals. ÍR er stigi á eftir Fjölni í fjórða sæti.


Í hnífjöfnum og skemmtilegum leik í Höllinni á Akureyri voru leikmenn Þórs sterkari á lokasprettinum. Þeir náðu þriggja marka forskoti, 25:22, þegar sjö mínútur voru til leiksloka. Fjölnismenn lögðu allt í sölurnar í lokin en vantaði herslumuninn upp á að jafna metin.

Fjölnismaðurinn Elvar Þór Ólafsson minnkað muninn í eitt mark þegar 22 sekúndur voru eftir af leiktímanum. Þórsurum tókst að halda fengnum hlut og vinna mikilvæg stig í toppbaráttu deildarinnar. Um leið er liðið taplaust á heimavelli á leiktíðinni.

Annan leikinn í röð varði Kristján Páll Steinsson markvörður Þórs afar vel og fylgdi eftir vasklegri frammistöðu í bikarleik við Selfoss í síðustu viku.

Staðan og næstu leikir í Grill 66-deildunum.

Mörk Þórs: Aron Hólm Kristjánsson 5, Brynjar Hólm Grétarsson 5, Viðar Ernir Reimarsson 5, Sigurður Ringsted Sigurðsson 4, Jón Ólafur Þorsteinsson 3, Arnór Þorri Þorsteinsson 2, Þormar Sigurðsson 2, Arnþór Gylfi Finnsson 1.
Varin skot: Kristján Páll Steinsson 16.

Mörk Fjölnis: Björgvin Páll Rúnarsson 7, Alex Máni Oddnýjarson 4, Elvar Þór Ólafsson 4, Bernhard Snær Petersen 3, Viktor Berg Grétarsson 3, Óðinn Freyr Heiðmarsson 2, Dagur Logi Sigurðsson 1, Sigurður Örn Þorsteinsson 1, Tómas Bragi Starrason 1.
Varin skot: Bergur Bjartmarsson 8.

Tengt efni:

Tölfræði leiksins hjá HBStatz.

Staðan og næstu leikir í Grill 66-deildunum

Frásögn af leiknum hjá Akureyri.net.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -