Andrea Jacobsen og samherjar í Kristianstad töpuðu öðru sinni í röð fyrir Skara HF eftir framlengingu í 8-liða úrslitum sænsku úrvalsdeildarinnar í handknattleik í kvöld og er Skara þar með komið með tvo vinninga í rimmu liðanna.
Að þessu sinni var leikið á heimavelli Andreu og félaga í Kristianstad, lokatölur 24:23, fyrir Skara en jafnt var eftir hefðbundinn leiktíma, 20:20. Lukkudísirnar eru svo sannarlega ekki á bandi Kristianstad-liðsins þessa dagana. Liðið verður að ná þeim á sitt band og vinna á heimavelli í Skara á laugardaginn til þess að komast hjá því að falla úr keppni.
Andrea, sem virðist hafa jafnað sig vel eftir krossbandaslit sem héldu henni frá keppnisvellinum í 13 mánuði, lék stórt hlutverk í liði Kristianstad í kvöld. Hún skoraði fimm mörk og var markahæst í liðinu ásamt Martinu Crhova. Andrea átti níu markskot. Hún átti tvær stoðsendingar.
Kristianstad var tveimur mörkum yfir að loknum fyrri hálfleik, 9:7.
Fyrsta leik liðanna í 8-liða úrslitum lauk með tveggja marka sigri Skara, 33:31, eftir framlenginu.
