- Auglýsing -
- Auglýsing -
- Auglýsing -

Tryggvi og Sävehof áfram efstir – Karlskrona og Amo töpuðu

Tryggvi Þórisson leikmaður IK Sävehof, í vörn. Mynd/Guðmundur Svansson
- Auglýsing -

Áfram sitja Tryggvi Þórisson og liðsmenn Sävehof í efsta sæti sænsku úrvalsdeildarinnar þegar þráðurinn var tekinn upp í kvöld eftir hlé sem staðið hefur yfir frá 30. desember vegna Evrópumóts karla í handknattleik. Sävehof vann Alingsås á heimavelli, 33:27, eftir að hafa verið marki yfir að loknum fyrri hálfleik, 16:15.

Tryggvi skoraði ekki mark að þessu sinni fyrir Sävehof sem hefur 29 stig að loknum 17 leikjum og er þremur stigum ofar en Skövde sem er í öðru sæti.

Á brattann var að sækja hjá HF Karlskrona í heimsókn til Ystad í kvöld. Heimamenn unnu öruggan sigur, 40:30. Ólafur Andrés Guðmundsson skoraði þrjú mörk fyrir HF Karlskrona en Dagur Sverrir Kristjánsson og Þorgils Jón Svölu Baldursson skoruðu ekki að þessu sinni. Phil Döhler, fyrrverandi markvörður FH, stóð í marki HF Karlskrona hluta leiksins og varði fjögur skot, 20%.

Arnar Birkir Hálfdánsson skoraði tvö fyrir Amo þegar liðið tapaði með átta marka mun fyrir Kristianstad, 32:24, á útivelli.

Karlskrona og Amo eru í 10. og 11. sæti af 14 liðum deildarinnar. Annað með 13 stig en hitt 12.

Nánar er hægt að kynna sér stöðuna í sænsku úrvalsdeildinni og fleiri deildum í evrópskum handknattleik með því að smella hér.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -