- Auglýsing -
Daníel Þór Ingason og Haukur Þrastarson koma inn í leikmannahópinn í handknattleik karla sem leikur við Austurríki á Ásvöllum í dag. Elvar Örn Jónsson og Orri Freyr Þorkelsson sem tóku þátt í fyrri viðureigninni verða utan hópsins í dag. Sá fyrrnefndi er meiddur á öxl eins og kom fram á handbolti.is í gær.
Flautað verður til leiks á Ásvöllum klukkan 16 í dag. Eins og áður hefur komið fram er uppselt á leikinn. Í tilkynningu frá HSÍ kemur fram að húsið verður opnað fyrir áhorfendur klukkutíma áður en viðureignin hefst. Eru áhorfendur hvattir til að mæta tímanlega.
Ísland vann fyrri viðureignina við Austurríki sem fram fór á miðvikudaginn ytra, 34:30. Samanlögð úrslit leikjanna tveggja ráða því hvort liðið hreppir þátttökurétt á HM sem fram fer í Póllandi og Svíþjóð í janúar 2023.
Markverðir:
Björgvin Páll Gústavsson, Valur (241/16).
Viktor Gísli Hallgrímsson, GOG Håndbold (34/1).
Aðrir leikmenn:
Arnar Freyr Arnarsson, MT Melsungen (68/78).
Aron Pálmarsson, Aalborg Håndbold (157/611).
Bjarki Már Elísson, TBV Lemgo Lippe (88/268).
Daníel Þór Ingason, Bailingen-Weilstetten (36/11).
Elliði Snær Viðarsson, Gummersbach (20/24).
Elvar Ásgeirsson, Nancy (6/13).
Gísli Þorgeir Kristjánsson, SC Magdeburg (36/67).
Haukur Þrastarson, Vive Tauron Kielce (20/22).
Janus Daði Smárason, Frisch Auf Göppingen (55/82).
Óðinn Þór Ríkharðsson, KA (15/51).
Ómar Ingi Magnússon, SC Magdeburg (65/212).
Teitur Örn Einarsson, SG Flensburg-Handewitt (28/26).
Viggó Kristjánsson, TVB 1898 Stuttgart (30/68).
Ýmir Örn Gíslason, Die Rhein-Neckar Löwen (61/32).
Leiknum verður sjónvarpað á vegum RÚV. Handbolti.is verður einnig með textalýsingu frá leiknum.
- Auglýsing -
