Ragnhildur Edda Þórðardóttir, hornamaður, og Andrea Gunnlaugsdóttir, markvörður leika ekki með Val í Olísdeild kvenna á næstunni. Ragnhildur Edda tognaði illa á ökka í viðureign Vals og ÍBV í Olísdeildinni síðasta laugardag.
Andrea, sem er afar efnilegur markvörður sem vakti fyrst athygli með ÍBV fyrir tveimur árum, fékk höfuðhögg og fær allan þann tíma sem hún þarf til þess að jafna sig, að sögn Ágúst Þórs Jóhannssonar, þjálfari Vals, sem reiknar ekki með að Andrea, sem var í landsliðhópnum sem æfði á síðasta sumri, leiki meira með Val á leiktíðinni.
Ragnheiður fór í myndatöku í gær og fer aftur í skoðun hjá lækni á morgun að sögn Ágústs. “Hún er ekki brotin en það lítur út fyrir að vera mjög slæm tognun,” sagði Ágúst Þór Jóhannsson við handbolta.is.
Andrea er a.m.k. þriðji markvörður Olísdeildar kvenna sem verður að draga sig í hlé á þessu keppnistímabili vegna höfuðhöggs. Heiðrún Dís Magnúsdóttir hjá Stjörnunni. Hún fékk höfuðhögg í leik við KA/Þór í annarri umferð deildarinnar í september. Heiðrún Dís var í fyrsta sinn í leikmannahópi Stjörnunnar eftir höfuðhöggið í leik liðsins við HK í Kórnum á síðasta laugardag.
Einnig var Írena Björk Ómarsdóttir frá um nokkurt skeið af þessum sökum.
