- Auglýsing -
- Auglýsing -
- Auglýsing -

Tvenn alvarleg áföll á einum sólarhring

Framarinn Reynir Þór Stefánsson í leik með U19 ára landsliðinu. Mynd/IHF / HRS / kolektiff
- Auglýsing -

Karlalið Fram hefur orðið fyrir tveimur alvarlegum skakkaföllum á undanförnum sólarhring. Stórskyttan Tryggvi Garðar Jónsson meiddist í kvöld í leiknum við Selfoss og Reynir Þór Stefánsson meiddist á hné í gærkvöld á æfingu. Óttast er að báðir leiki ekki meira með Framliðinu á tímabilinu.

Hugsanlega slitnaði önnur hásin Tryggva Garðars undir lok leiksins við Selfoss í kvöld. Sé svo verður hann ekki með á ný fyrr en á næsta keppnistímabili.

Reynir Þór leikmaðurinn efnilegi hjá handknattleiksliði Fram laskaði liðband í hné á æfingu Fram-liðsins í gær. Talið er hugsanlegt að meiðslin geti haldið Reyni Þór frá keppni í nokkuð margar vikur.

Eins og nærri má geta eru meiðsli Tryggva Garðars og Reynis Þórs afar slæm tíðindi fyrir Fram sem einnig missti út Bjart Má Guðmundsson í kvöld, þó væntalega ekki til langs tíma. Ofan á annað hefur Fram lítt notið krafta Þorsteins Gauta Hjálmarssonar og Kjartans Þórs Júlíussonar upp á síðkastið. Báðir eru meiddir.

Fyrir leikinn við Selfoss í Olísdeildinni í kvöld í Lambhagahöllinni, var Reynir Þór markahæsti leikmaður Fram með 95 mörk í 15 leikjum.

Næsti leikur Fram í Olísdeildinni verður eftir rúma viku gegn FH í Kaplakrika.

Staðan og næstu leikir í Olísdeildum.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -