Ívar Benediktsson skrifar frá Tíblisi, [email protected]
„Við vorum í basli með þá í fyrri hálfleik þrátt fyrir að mér fannst við vera með þá. Við gerðum of mörg einföld léleg mistök sem hleyptu Georgíumönnum aftur inn í leikinn hvað eftir annað. Klaufamistökin voru of mörg í leiknum, ekki síst í fyrri hálfleik,“ sagði Elvar Örn Jónsson landsliðsmaður í handknattleik í samtali við handbolta.is eftir sigurinnn á Georgíu í Tíblisi í dag, 30:25, í undankeppni EM.
„Mér fannst þetta vera um margt svipaður leikur og gegn Bosníu á miðvikudaginn. Fyrri hálfleikurinn var jafn en síðan skildu leiðir þegar kom fram í síðari hálfleik þegar andstæðingarnir þreytast. Þá erum við öflugri. Þetta snýst oft mikið um þolinmæðina gegn lakari þjóðum,“ sagði Elvar Örn.
Spurður hvað liðið verði að laga fyrir HM í janúar og næstu leiki segir Elvar Örn það verði að fækka einföldum mistökum, t.d. sendingar samherja á milli og nýting opinna færa.
Fékk meira af léttum skotum af því að vörnin var góð
Strákarnir okkar unnu öruggan sigur á Georgíu
