- Auglýsing -
Flautað verður til leiks í UMSK-móti kvenna í handknattleik í kvöld. HK tekur á móti Aftureldingu í Kórnum klukkan 17.30. Nokkrir leikmenn HK-liðsins er nýkomnir til landsins eftir að hafa staðið í ströngu með U18 ára landsliðinu á heimsmeistaramótinu í Skopje í Norður Makedóníu í fyrri hluta þessa mánaðar.
Auk HK og Aftureldingar senda Grótta og Stjarnan lið sín til leiks á UMSK-mótinu sem stendur yfir til 30. ágúst.
Að lokinni viðureigninni í kvöld tekur við viku hlé áður en næsti leikur fer fram
Handbolti.is segir frá úrslitum leikja mótsins ef upplýsingar berast um lyktir þeirra.
Ragnarsmót Selfoss í kvennaflokki hefst 30. ágúst.
Keppni í Olísdeild kvenna hefst 15. september og í Grill66-deild kvenna 23. september.
- Auglýsing -
