Úrslitarimma Víkings og Fjölnis um sæti í Olísdeild karla hefst á þriðjudagskvöld þegar flautað verður til fyrstu viðureignar liðanna í íþróttahúsinu í Safamýri. Leikdagar og leiktímar hafa verið staðfestir.
Vinna þarf þrjá leiki til þess að öðlast keppnisrétt í Olísdeild karla á næsta keppnistímabili. Þar af leiðandi getur rimman orðið að fimm leikjum.
Þriðjudagur 25. apríl: Víkingur – Fjölnir, kl. 18 – Safamýri.
Föstudagur 28. apríl: Fjölnir – Víkingur, kl. 19.30 – Dalhús.
Mánudagur 1. maí: Víkingur – Fjölnir, kl. 14 – Safamýri.
Fimmtudagur 4. maí: Fjölnir – Víkingur, kl. 19.30 – Dalhús.
Sunnudagur 7. maí: Víkingur – Fjölnir, kl. 14 – Safamýri.
Víkingur lagði Kórdrengi í tveimur leikjum og Fjölnir vann Þór Akureyri einnig í tveimur leikjum í undanúrslitum sem runnu sitt skeið á enda á mánudagskvöldið.
HK vann Grill 66-deild karla í vor og fór beint upp.
ÍR og Hörður féllu úr Olísdeildinni. ÍR vann Fjölni í úrslitum umspilsins fyrir ári og Hörður vann Grill 66-deildina.
