Undankeppni EM2024: Úrslit 2. umferðar og staðan í riðlunum

Án miðjumannsins Luc Steins náði hollenska landsliðið í handknattleik karla sér ekki á strik í dag þegar það sótti gríska landsliðið heim til Chalkida í 5. riðli undankeppni Evrópumótsins. Staffan Olsson, nýráðinn þjálfari hollenska landsliðsins var ráðalítill við stjórnvölin og varð að bíta í það súra epli að tapa með fjögurra marka mun, 32:28.

Hollendingar hafa þar með tvö stig eftir tvær fyrstu umferðirnar og ljóst að Grikkir ætla sér að gera heiðarlega tilraun til þess að ná öðru sæti riðilsins. Kay Smits skoraði sjö mörk fyrir Hollendinga en þeir Nikolaos Liapis og Christodoulos Mylonas skoruðu fimm mörk hvor fyrir gríska landsliðið.

Króatar eru efstir eftir tvo sigurleiki. Þeir unnu Belga á útivelli í dag, 30:27.

Frændur okkar í Færeyjum hafa tapað tveimur fyrstu leikjum sínum í undankeppninni en þeir eru í 4. riðli. Í dag tapaði færeyska landsliðið fyrir austurríska landsliðinu í Höllinni á Hálsi í Þórshöfn, 30:28. Staðan var jöfn að loknum fyrri hálfleik, 14:14. Eftir um tíu mínútur í síðari hálfleik tók austurríska liðið af skarið og náði forskoti sem Færeyingum tókst ekki vinna niður.

Ungstirnið Óli Mittún var markahæstur í færeyska liðinu með sjö mörk og hægri hornamaðurinn snjalli, Hákun West av Teigum, skoraði fimm mörk. KA-mennirnir Allan Norðberg og Nicholas Satchwell komu lítið við sögu í færeyska liðinu fyrir utan að hinn síðarnefndi varði eitt vítakast í síðari hálfleik.

Skarð er fyrir skildi hjá Færeyingum að Elias Ellefsen á Skipagøtu er meiddur.

Lukas Hutecek skoraði níu mörk í níu skotum fyrir austurríska liðið.

Kristján Halldórsson var eftirlitsmaður á leiknum í Þórshöfn.

Úrslit leikja annarrar umferðar undankeppni EM2024.

1. riðill:
Lúxemborg – Portúgal 21:32 (5:14).
Tyrkland – N-Makedónía 27:36 (8:17).

Staðan:

Portúgal	2	2	0	0	76 – 48	4
N-Makedónía	2	2	0	0	74 – 51	4
Lúxemborg	2	0	0	2	45 – 70	0
Tyrkland	2	0	0	2	54 – 80	0

2. riðill:
Finnland – Noregur 22:35 (14:19).
Slóvakía – Serbía 21:27 (12:16).

Staðan:

Noregur	2	2	0	0	73 – 48	4
Serbía	2	2	0	0	61 – 45	4
Slóvakía	2	0	0	2	47 – 65	0
Finnland	2	0	0	2	46 – 69	0

3. riðill:
Ísrael – Tékkland 19:29 (10:16).
Eistland – Ísland 25:37 (13:20).

Staðan:

Ísland	2	2	0	0	73 – 46	4
Tékkland	2	2	0	0	60 – 42	4
Eistland	2	0	0	2	48 – 68	0
Ísrael	2	0	0	2	40 – 65	0

4. riðill:
Rúmenía – Úkraína 34:26 (18:14).
Færeyjar – Austurríki 28:30 (14:14).

Staðan:

Austurríki	2	2	0	0	66 – 60	4
Rúmenía	2	1	0	1	66 – 62	2
Úkraína	2	1	0	1	55 – 59	2
Færeyjar	2	0	0	2	53 – 59	0

5. riðill:
Belgía – Króatía 27:30 (13:15).
Grikkland – Holland 32:28 (15:12).

Staðan:

Króatía	2	2	0	0	63 – 52	4
Grikkland	2	1	0	1	57 – 61	2
Holland	2	1	0	1	53 – 56	2
Belgía	2	0	0	2	51 – 55	0

6. riðill:
Litáen – Sviss 26:27 (11:17).
Georgía – Ungverjaland 24:41 (11:18).

Staðan:

Ungverjaland	2	2	0	0	77 – 47	4
Sviss	2	2	0	0	51 – 49	4
Litáen	2	0	0	2	49 – 63	0
Georgía	2	0	0	2	47 – 65	0

7. riðill:
Kósovó – Slóvenía 24:29 (12:14).
Bosnía – Svartfjallaland 25:36 (11:21).

Staðan:

Svartfjallaland	2	2	0	0	65 – 45	4
Slóvenía	2	2	0	0	57 – 44	4
Kósovó	2	0	0	2	44 – 58	0
Bosnía	2	0	0	2	45 – 64	0

8. riðill:
Ítalía – Frakkland 29:40 (13:19).
Lettland – Pólland 19:37 (9:13).

Staðan:

Frakkland	2	2	0	0	75 – 47	4
Pólland	2	2	0	0	67 – 42	4
Ítalía	2	0	0	2	52 – 70	0
Lettland	2	0	0	2	37 – 72	0