Ungmennalið KA lyfti sér upp úr næst neðsta sæti Grill 66-deildar karla í gær með því að tryggja sér tvö stig úr viðureign við ungmennalið Vals í KA-heimilinu, 30:27. KA var marki yfir að loknum fyrri hálfleik, 15:14.
KA-liðið komst þar með upp í áttunda sæti. Liðið hefur 10 stig og er stigi fyrir ofan ungmennalið Selfoss. Valur situr í þriðja sæti með 15 stig.
Staðan í Grill 66-deild karla.
Mörk KA U.: Kristján Gunnþórsson 9, Dagur Árni Heimisson 6, Skarphéðinn Ívar Einarsson 3, Aron Daði Bergþórsson 3, Logi Gautason 3, Ísak Óli Eggertsson 2, Magnús Dagur Jónatansson 2, Arnór Ísak Haddsson 1, Haraldur Bolli Heimisson 1.
Varin skot: Óskar Þórarinsson 13.
Mörk Vals U.: Þorgeir Arnarsson 6, Áki Hlynur Andrason 5, Breki Hrafn Valdimarsson 5, Tómas Sigurðarson 3, Bjartur Guðmundsson 2, Daníel Örn Guðmundsson 2, Hlynur Freyr Geirmundsson 1, Knútur Gauti Kruger 1, Loftur Ásmundsson 1, Jóhannes Jóhannesson 1.
Varin skot: Jens Sigurðarson 14.
Fjórir leikir fóru fram í Grill 66-deild karla á föstudaginn.
