Ungmennalið Selfoss komst í dag í efsta sæti 2. deildar karla í handknattleik í framhaldi af öruggum sigri á Hvíta riddaranum, 42:32, í mikilli markasúpu sem boðið var upp á í Sethöllinni á Selfossi. Um var að ræða sannkallaðan toppslag því hefði Hvíta riddaranum tekist að vinna þá hefði efsta sætið verið þeirra. Selfosspiltar eru taplausir í deildinni.
Um tíma stefndi í að liðsmenn Hvíta riddarans gæti staðið í Selfoss liðinu. Eftir fyrri hálfleik voru riddararnir marki yfir, 18:17. Í síðari hálfleik féll þeim allur ketill í eld á sama tíma og Selfyssingum óx ásmegin.
Stjarnan öflugri í Mýrinni
Á sama tíma og boðið var upp á markasúpu í Sethöllinni gekk lítið minna á í Mýrinni í Garðabæ þegar ungmennalið Stjörnunnar og Víðir áttust við. Víðismenn voru að skríða saman eftir leik við aðallið Stjörnunnar í 16-liða úrslitum í Poweradebikarnum á miðvikudagskvöld. Ljóst var að Víðismenn höfðu ekki náð vopnum sínum á nýjan leik því þeir áttu erfitt uppdráttar í dag. Ungmennalið Stjörnunnar vann öruggan sigur, 35:23.
Víðir rekur áfram stigalaus lestina í 2. deild eftir fimm leiki. Ungmenni Stjörnunnar hafa þegar náð að öngla saman fimm stigum í fimm leikjum.
Staðan í 2.deild og næstu leikir.
Selfoss U – Hvíti riddarinn, 42:32 (17:18).
Mörk Selfoss: Haukur Páll Hallgrímsson 9, Jason Dagur Þórisson 6, Patrekur Þór Öfjörð 6, Anton Breki Hjaltason 4, Jónas Karl Gunnlaugsson 4, Arnór Elí Kjartansson 3, Árni Ísleifsson 3, Daníel Arnar Víðisson 2, Skarphéðinn Steinn Sveinsson 2, Kristján Emanuel Kristjánsson 1, Dagur Rafn Gíslason 1, Jón Þórarinn Þorsteinsson 1.
Varin skot: Jón Þórarinn Þorsteinsson 11, Einar Gunnar Gunnlaugsson 5.
Mörk Hvíta riddarans: Haraldur Björn Hjörleifsson 11, Ingi Hrafn Sigurðsson 5, Aron Eyrbekk Gylfason 4, Davíð Hlíðdal Svansson 3, Guðbrandur Jóhannesson 3, Alex Adam Gunnlaugsson 2, Óðinn Ingi Þórarinsson 2, Valur Þorsteinsson 1, Viktor Marel Kjærnested 1.
Varin skot: Björgvin Franz Björgvinsson 4, Finnbogi Þór Gunnarsson 1.
Stjarnan U – Víðir 35:23 (14:11).
Mörk Stjörnunnar U.: Rytis Kazakevicius 13, Hrannar Máni Eyjólfsson 5, Stefán Orri Stefánsson 5, Húgó Máni Ólafsson 4, Kristján Helgi Tómasson 3, Guðmundur Rögnvaldsson 2, Lúðvík Guðni Hjartarson 2, Stefán Haukur Hreinsson 1.
Varin skot: Daði Bergmann Gunnarsson 16.
Mörk Víðis: Orfeus Andreou 8, Gísli Arnar Skúlason 7, Szymon Kowal 3, Eiður Björgvin Jónsson 2, Jón Einar Pétursson 2, Mohamed Ali Chagra 1.
Varin skot: Jacek Kowal 3, Tommy Cuong Vo 1.
Staðan í 2.deild og næstu leikir.
