Ungverjar náðu sínum besta árangri á Evrópumóti karla í handknattleik í dag þegar þeir hrepptu 5. sæti mótsins með sigri á Slóvenum, 23:22, í Lanxess Arena í Köln. Slóvenar voru marki yfir, 13:12, þegar fyrri hálfleikur var að baki.
Bendeguz Bóka skoraði sigurmark Ungverja einni og hálfri mínútu fyrir leikslok. Leikurinn var hnífjafn og spennandi frá upphafi til enda.
Ungverjar voru með íslenska landsliðinu í riðli á Evrópumótinu og unnu leik liðanna sem átta marka mun, 33:25.
Mörk Ungverjalands: Bence Banhidi 5, Mate Lekai 5, Bendeguz Bóka 4, Zoran Ilic 3, Miklos Rosta 1, Gergo Fazekas 2, Bence Imre 2, Richard Bodo 1.
Varin skot: Laszló Bartucz 10, 32,2% – Arián Andó 0.
Mörk Slóveníu: Blaz Blagotinsek 4, Miha Zarabec 4, Aleks Vlah 4, Borut Mackovsek 3, Jure Dolenec 3, Matic Suholeznik 2, Dean Bombac 1, Gasper Marguc 1.
Varin skot: Klemen Ferlin 11, 32,3%.
