Danir eru komnir í undanúrslit Evrópumóts kvenna í handknattleik þótt þeir eigi eftir síðasta leik sinn í milliriðlakeppni mótsins í kvöld gegn Noregi. Ungverjar sáu til þess að danska landsliðið tekur sæti í undanúrslitum. Ungverska landsliðið vann slóvenska landsliðið í Ljubljana í fyrsta leik dagsins í lokumferð í milliriðli eitt í dag, 29:25.
Slóvenar voru þeir einu sem gátu komist upp fyrir Dani fyrir síðustu leikina en til þess urðu Slóvenar að vinna Ungverja og Danir að fara tómhentir frá viðureigninni við Norðmenn.
Ungverjar kvöddu þar með EM með öðru sigri sínum í mótinu og koma vafalaust reynslunni ríkari til leiks á EM að tveimur árum liðnum með sína efnilegu sveit. Óvíða í Evrópu er meiri efniviður um þessar mundir af ungum handknattleikskonum en í Ungverjalandi.
Niðurstaðan af leik Slóvena og Ungverja leiðir einnig til þess að Svíar eiga ekki lengur möguleika á að komast í undanúrslit þótt þeir vinna Króata á eftir og Danir tapa fyrir Norðmönnum.
Mörk Ungverjalands: Katrin Klujber 9, Viktoria Lukacs 4, Greta Marton 4, Petra Vamos 4, Csenge Kuczora 3, Petra Tovizi 2, Kinga Debreczeni 2, Anna Albek 1.
Varin skot: Kinga Janurik 9, 28% – Melinda Szikora 2, 50%.
Mörk Slóveníu: Ana Gros 6, Natasa Ljepoja 5, Elizabeth Omoregie 3, Ema Abina 3, Nina Zulic 2, Barbara Lazovic 2, Valentina Klemencic 2, Maja Svetik 1, Tamara Mavsar 1.
Varin skot: Branka Zec 2, 29% – Maja Vojnovic 2, 17% – Amra Pandzic 2, 13%.
Þjóðverjar eygja von um leik á föstudag
Þýskaland vann Rúmeníu í þriðja síðasta leik milliriðils tvö í dag, 32:28. Þjóðverjar ala þar með sér von um leika um fimmta sætið á EM á föstudaginn. Það skýrist betur í kvöld þegar öllum leikjum verður lokið í milliriðlakeppninni. Sjötta sæti mun örugglega tryggja sér keppnisrétt á HM á næsta ári.
Leik Rúmena og Þjóðverja verður e.t.v. helst minnst fyrir að Cristina Neagu rauf 300 marka múrinn í lokakeppni EM fyrst handknattleiksfólks. Hún skoraði 7 mörk í dag og hefur þar með skorað 303 mörk, 15 fleiri en Guðjón Valur Sigurðsson sem er næstur á blaðinu eins og handbolti.is sagði frá í dag.
Mörk Rúmeníu: Cristina Neagu 7, Sorina Grozav 6, Ioana Pristavita 4, Alexandra Badea 4, Alexandra Dindiligan 3, Bianca Bazaliu 2, Crina Pintea 2.
Varin skot: Diana Ciuca 7, 30% – Daciana Hosu 7, 32%.
Mörk Þýskalands: Johanna Stockchlader 10, Alina Grijseels 8, Emily Bölk 7, Meike Schmelzer 2, Lisa Antl 2, Maren Weigel 1, Julian Maidhof 1, Xenia Smits 1.
Varin skot: Isabell Roch 13, 37%.
EM kvenna22 – milliriðlakeppni leikjadagskrá, úrslit
