- Auglýsing -

Úr leik eitthvað fram á næsta ár

Daníel Örn Griffin, leikmaður Gróttu. Mynd/Selfoss/SÁ

Handknattleiksmaðurinn Daníel Örn Griffin og liðsmaður Gróttu verður frá keppni eitthvað fram á næsta ár eftir að hafa slitið krossband í hné í leik við Þór í Olísdeild karla í 15. maí í 20. umferð. Daníel Örn staðfesti þessar fregnir við handbolta.is í dag eftir að hann gekkst undir mjög ítarlega skoðun hjá lækni. Hann meiddist undir lok leiksins við Þór og var strax óttast að um gæti verið að ræða alvarleg meiðsli.

Daníel Örn kom til liðs við Gróttu frá KA fyrir keppnistímabilið og hefur verið einn öflugasti leikmaður nýliðanna og m.a. skorað 73 mörk í 19 leikjum.


Daníel Örn sagði við handbolta.is að ekki væri ljóst hvenær hann fær tíma í aðgerð. Vonir standa til að það geti orðið fljótlega.


Ljóst má vera að Daníel verður frá keppni í níu til tíu mánuði og að fjarvera hans verði Gróttuliðinu mikið áfall.

- Auglýsing -
- Auglýsing -

Nýjustu fréttir

- Auglýsing -