Fyrsta umferð úrslitakeppni Olísdeildar kvenna í handknattleik fer fram föstudaginn 12. apríl. Önnur umferð verður mánudaginn 15. apríl og þriðja og síðasta umferð fimmtudaginn 18. apríl. Vinna þarf tvo leiki til þess að öðlast sæti í undanúrslitum.
Í fyrstu umferð mætast:
Haukar – Stjarnan (Haukar með heimaleikjarétt komi til oddaleiks).
ÍBV – ÍR (ÍBV með heimaleikjarétt komi til oddaleiks).
Önnur umferð úrslitakeppninnar hefst 23. apríl. Valur og Fram mæta til leiks. Leikdagar 23., 26., 29. apríl, 2. maí og 5. maí ef kemur til oddaleikja.
Þriðja síðasta umferð, úrslitaleikir um Íslandsmeistaratitilinn, hefst fimmtudaginn 9. maí. Aðrir leikdagar, 12., 15., 18. og 21. maí ef þörf verður á fimmta leik.
Landsleikir framundan
Ástæða þess að fyrsta umferð úrslitakeppni Olísdeildar hefst ekki fyrr en 12. apríl er sú að framundan eru tveir landsleikir í undankeppni Evrópumótsins, 3. og 7. apríl gegn Lúxemborg ytra og við Færeyinga á Ásvöllum. Þeir leikmenn landsliðsins sem leika hér á landi koma saman til æfinga í upphafi þessarar viku.
