- Auglýsing -
- Auglýsing -
- Auglýsing -

Úrslitaleikur hjá Óðni Þór og félögum á sunnudaginn

Óðinn Þór Ríkharðsson landsliðsmaður og hornamaður hjá Kadetten Schaffhausen í Sviss. Mynd/Hafliði Breiðfjörð
- Auglýsing -

Óðinn Þór Ríkharðsson og liðsfélagar í Kadetten Schaffhausen leika úrslitaleik við HC Kriens á sunnudaginn um meistaratitilinn í handknattleiknum í Sviss. Sú er raunin eftir að HC Kriens vann fjórðu viðureign liðanna á heimavelli, Sursee Stadthalle, í dag, 33:27. Liðin hafa unnið tvo leiki hvort. Úrslitaleikurinn verður í Schaffhausen, heimavelli Kadetten.

Óðinn Þór stóð fyrir sínu að vanda. Hann skoraði fimm mörk í sex skotum. Tvö markanna skoraði Óðinn úr vítaköstum. Honum var einu sinni vikið af leikvelli í tvær mínútur.

Leikmenn HC Kriens, sem einnig léku til úrslita við Kadetten á síðasta ári, voru með yfirhöndina í leiknum í dag, nánast frá upphafi. Fjórum mörkum skakkaði á liðunum þegar fyrri hálfleikur var að baki, 18:14. Forskotið jókst í síðari hálfleik.

Kadetten Schaffhausen vann meistaratitilinn á síðasta ári.

Annað kvöld fer fram úrslitaleikurinn um meistaratitilinn í kvennaflokki í Sviss. Harpa Rut Jónsdóttir og félagar í GC Zürich sækja LC Brühl heim í fimmta og síðasta leik liðanna.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -