- Auglýsing -
Ríkjandi Íslands,- bikar, – og deildarmeistarar Vals voru ekki í vandræðum með að tryggja sér sæti í undanúrslitum Olísdeildar karla í handknattleik í kvöld.
Valur vann öruggan sigur á Fram, 36:31, í Framhúsinu. Karlalið Fram hefur þar með leikið sinn síðasta mótsleik í íþróttahúsinu í Safamýri en í sumar flytur félagið í nýtt húsnæði í Úlfarsárdal.
Valur var fjórum mörkum yfir að loknum fyrri hálfleik, 15:11, og náði mest níu marka forskoti í síðari hálfleik.
Valur er þar með annað liðið sem komið er í undanúrslit í Olísdeild karla. Hitt er ÍBV sem vann Stjörnuna í dag. Á morgun halda átta liða úrslit áfram með leik KA og Hauka og Selfoss og FH.
Mörk Fram: Þorsteinn Gauti Hjálmarsson 10, Breki Dagsson 8/4 , Kjartan Þór Júlíusson 5, Rógvi Dal Christiansen 3, Stefán Darri Þórson 2, Stefán Orri Arnalds 2, Kristófer Dagur Sigurðsson 1.
Varin skot: Lárus Helgi Ólafsson 13, 31,7% – Magnús Gunnar Erlendsson 1, 12,5%.
Mörk Vals: Magnús Óli Magnússon 7, Finnur Ingi Stefánsson 5, Arnór Snær Óskarsson 5/3, Benedikt Gunnar Óskarsson 3, Tjörvi Týr Gíslason 3, Þorgils Jón Svölu Baldursson 3, Einar Þorsteinn Ólafsson 2, Þorgeir Bjarki Davíðsson 2, Stiven Tobar Velncia 2, Vignir Stefánsson 1, Róbert Aron Hostert 1.
Varin skot: Björgvin Páll Gústavsson 12, 27,9%.
Öll tölfræði leiksins er hjá HBStatz.
- Auglýsing -
