Valsmenn hafa krækt í Kristófer Mána frá Haukum

Bikarmeistarar Vals í handknattleik karla eru byrjaðir að styrkja sveit sína fyrir átökin á næstu leiktíð. Í kvöld var tilkynnt að Kristófer Máni Jónasson hægri hornamaður skipti rauðri treyju Hauka út fyrir samlita treyju Vals frá og með sumrinu. Máni hefur skrifað undir tveggja ára samning við Hlíðarendaliðið.

Máni er hægri hornamaður og er uppalinn í Hafnafirðinum. Hann átti sæti í 2002 landsliði Íslands og var valinn í úrvalslið HM U21 árs á síðasta ári þegar íslenska landsliðið vann til bronsverðlauna.

Alls skoraði Máni 13 mörk í 21 leik með Haukum í Olísdeildinnni í vetur en deildarkeppninni lauk á föstudagskvöld.